Grillaðar kjúklingalundir og mexíkósósa

Grillaðar kjúklingalundir

• Öllu nema lundum blandað saman í skál.
• Kjúklingalundum velt upp úr marineringunni, plastað og leyft að standa í kæli í að minnsta kosti klukkustund. Gott að gera þetta áður en kartöflurnar fara í ofninn því þær taka hátt í 1 ½ klukkustund í eldun.
• Grillið á heitu grilli í nokkrar mínútur á hvorri hlið og leyfið síðan að standa í um 10 mínútur.

Mexíkósósa

• Setjið um 200 ml af rjómanum í pott.
• Rífið ostinn út í og hrærið vel við meðalháan hita þar til osturinn er bráðnaður.
• Bætið þá restinni af rjómanum saman við ásamt soyasósu og krafti.
• Hitið að suðu og lækkið þá hitann vel niður og leyfið að malla. Hærið reglulega í á meðan.

Bakaðar sætar kartöflur

• Hitið ofninn í 200°C.
• Berið ólífuolíu utan á kartöflurnar og bakið í um 1 ½ klukkustund eða þar til kartöflurnar verða vel mjúkar að innan.
• Takið út og skerið hvora kartöflu niður í 2-3 bita (eftir lengd/stærð).
• Gott er að setja vel af sýrópi og smá pipar yfir kartöfluna þegar hún er komin á diskinn.
• Berið fram með kjúklingalundunum, mexíkósósunni og salati.

Höfundur: Berglind Hreiðarsdóttir