Fylltar kjúklingabringur með ostum og spínati
Í gær var ég með spínat- og ostafylltar kjúklingabringur í kvöldmatinn. Það er hægt að nota allskonar fyllingar en ég valdi það sem mér finnst bragðast best og passar vel saman. Spennandi uppskrift að kjúklingarétti sem verður vonandi í uppáhaldi hjá ykkur í framhaldinu.
Innihald
4 skammtar
kjúklingabringur
spínat
laukur
hvítlauksrif
sveppir
Óðals Tindur
smjör til steikingar
salt og pipar
rifinn mozzarellaostur frá Gott í matinn
| kjúklingabringur | |
| spínat | |
| laukur | |
| hvítlauksrif | |
| sveppir | |
| Óðals Tindur | |
| smjör til steikingar | |
| salt og pipar | |
| rifinn mozzarellaostur frá Gott í matinn |
Skref1
- Skerðu lárétta rifu í miðjuna á kjúklingabringunni þannig að það myndist eins konar vasi.
Skref2
- Steikið lauk, hvítlauk og sveppi á pönnu við miðlungs hita.
- Setjið í skál til hliðar.
- Steikið spínatið í stutta stund þar til safaríkt og mjúkt og skerið smátt.
Skref3
- Takið stóra skál og hellið mozzarella ostinum ofan í ásamt rifnum Óðals Tindi.
- Blandið steikta grænmetinu vel saman við ostinn ásamt spínatinu.
Skref4
- Setjið fyllinguna ofan í vasann á kjúklingnum.
- Mér finnst best að halda fyllingunni inni í bringunni með tannstönglum (sem eru svo teknir úr áður en maturinn er borinn fram).
Skref5
- Kryddið bringuna fyrir steikingu með grófu salti, svörtum pipar og eðal kjúklingakryddi.
- Steikið bringurnar upp úr íslensku smjöri þar til þær eru farnar að brúnast, eða í um 5 mínútur á hvorri hlið.
- Setjið bringurnar í eldfast mót og bakið í ofni á blæstri (180°C) í 30 mínútur eða þar til fulleldaðar.
- Mér finnst gott að kreista smávegis lime yfir bringurnar í lokin. En það er algjört smekksatriði.
Höfundur: Tinna Alavis