Frönsk pizza
Frönsk pizza, Pissaladiére er ættuð frá suður Frakklandi. Botninn er mitt á milli þess að vera pizzabotn og smjördeig. Pissaladiére er yfirleitt með mjúkum eða sultuðum lauk, svörtum ólífum, ansjósum og góðum ostum.
Deig er valið eftir hentugleika en smjördeig í rúllu (þetta eins og pizzudeigið) er næst því sem það á að vera.
Innihald
1 skammtar
Pizzadeig eða smjördeig (best að kaupa tilbúið þunnt í rúllu)
Ólífuolía
Sýrður rjómi frá Gott í matinn
Rifinn ostur frá Gott í matinn
Laukur, fínt skorinn í sneiðar
Beikon, smátt skorið og steikt
Svartar ólífur
Óðals Ísbúi eða Óðals Jarl
| Pizzadeig eða smjördeig (best að kaupa tilbúið þunnt í rúllu) | |
| Ólífuolía | |
| Sýrður rjómi frá Gott í matinn | |
| Rifinn ostur frá Gott í matinn | |
| Laukur, fínt skorinn í sneiðar | |
| Beikon, smátt skorið og steikt | |
| Svartar ólífur | |
| Óðals Ísbúi eða Óðals Jarl |
Skref1
- Smyrjið ofnplötu eða skúffu (má setja smjörpappír og olíu á hann) með ólífuolíu og takið deigið í sundur.
- Dreypið olíu sömuleiðis ofan á deigið.
Skref2
- Hrærið saman dós af sýrðum rjóma og hálfan poka af rifnum osti.
- Dreifið úr blöndunni yfir botninn.
- Hér má líka eingöngu nota sýrðan rjóma og sleppa ostinum.
- Dreifið úr smátt söxuðu beikoni yfir blönduna.
Skref3
- Mýkið fínt saxaðan lauk í olíu á pönnu þar til hann fær á sig glæran tón.
- Dreifið úr lauknum á botninn. Þá ólífum.
- Rífið gróft Óðals Ísbúa eða Óðals Jarli og stráið yfir, það á ekki að vera mikill ostur yfir pizzuna.
- Osturinn er bragðsterkur og hann má ekki vera yfirþyrmandi.
Skref4
- Bakið við 180 gráður þar til botninn er bakaður og osturinn bráðinn.
- Takið úr ofninum og skerið í kassa.
- Berið fram. Hentar við ýmis tilefni.
Höfundur: Halla Bára Gestsdóttir