Fiskur í rjómaosti með tómat og basil
Við erum alltaf að leita leiða til að borða meiri fisk og hér er kominn einstaklega bragðgóður réttur sem ég mæli með að þið prófið. Þessi einfaldi og góði fiskréttur er bæði fljótlegur og góður, alveg fullkominn í miðri viku.
Innihald
4 skammtar
ýsa eða þorskur
rjómaostur með tómötum og basilíku frá MS
laukur
hvítlauksrif, 2-3 stk.
tómatpúrra
kirsuberjatómatar
kjúklingasoð, vatn og 1 teningur
parikukrydd, salt og oreganó
•
olía til að steikja upp úr
•
fersk basilíka
Meðlæti
•
hrísgrjón
| ýsa eða þorskur | |
| rjómaostur með tómötum og basilíku frá MS | |
| laukur | |
| hvítlauksrif, 2-3 stk. | |
| tómatpúrra | |
| kirsuberjatómatar | |
| kjúklingasoð, vatn og 1 teningur | |
| parikukrydd, salt og oreganó | |
| • | olía til að steikja upp úr |
| • | fersk basilíka |
| • | hrísgrjón |
Skref1
- Þú byrjar á því að steikja lauk og hvítlauk á pönnu upp úr olíu þar til laukurinn er orðinn mjúkur. Kryddar með salti, oregano og papriku og bætir tómatpúrrunni við. Hrærir vel saman og leyfir þessu að steikjast í smá stund.
Skref2
- Næst hellir þú kjúklingasoðinu út á pönnuna og hrærir. Bætir svo rjómaostinum út á og hrærir þar til hann hefur bráðnað og sósan er orðin slétt og falleg.
- Því næst fara kirsuberjatómatarnir út í.
Skref3
- Skerð loks fiskinn í hæfilega bita og raðar honum ofan í sósuna.
- Setur sósuna yfir fiskinn og stráir ferskri basilíku yfir. Leyfir þessu að malla í 10-12 mínútur, eða þar til fiskurinn er eldaður í gegn. Ef þú setur lok á pönnuna verður sósan þynnri en þykknar ef þú sleppir lokinu.
- Borið fram með hrísgrjónum.
Höfundur: Helga Magga