Fiskréttur með eplum, mangó chutney og rjómaosti
Afskaplega vinsæll og ljúffengur fiskréttur sem sómir sér vel í hvaða veislu sem er þó ég segi sjálf frá. Þessi hefur meira að segja stundum verið gerður fyrir jólaboð í minni fjölskyldu þegar allir eru komnir með leið á stórsteikum og slær alltaf í gegn.
Innihald
1 skammtar
ýsa, þorskur eða annar hvítur fiskur skorinn í bita
rækjur (má sleppa)
gulrætur
púrrulaukur
rauð paprika
græn paprika
grænt epli
smjör
gott karríduft
Gamli rjómaosturinn frá Gott í matinn
18% sýrður rjómi frá Gott í matinn
mangó chutney
Rifinn bragðmikill ostur, t.d. Óðalsostur
Paprikuduft, salt og pipar
| ýsa, þorskur eða annar hvítur fiskur skorinn í bita | |
| rækjur (má sleppa) | |
| gulrætur | |
| púrrulaukur | |
| rauð paprika | |
| græn paprika | |
| grænt epli | |
| smjör | |
| gott karríduft | |
| Gamli rjómaosturinn frá Gott í matinn | |
| 18% sýrður rjómi frá Gott í matinn | |
| mangó chutney | |
| Rifinn bragðmikill ostur, t.d. Óðalsostur | |
| Paprikuduft, salt og pipar |
Skref1
- Skerið fiskinn í passlega bita og kryddið með salti og pipar, leggið til hliðar.
Skref2
- Saxið grænmetið og eplið í frekar smáa bita.
- Hitið pönnu á meðalhita og bræðið smjörið.
- Steikið grænmetið í smjörinu þar til það mýkist aðeins (geymið eplabitana).
- Bætið karríduftinu saman við og steikið það með í 1-2 mínútur.
- Bætið rjómaostinum, sýrða rjómanum og mangó chutney út á pönnuna og bræðið þetta saman. Þynnið með örlitlu vatni ef ykkur finnst þetta of þykkt, en athugið að það kemur líka vökvi úr fiskinum þegar hann eldast.
- Dreifið eplunum og rækjunum yfir og hrærið saman.
- Smakkið til með salti og pipar.
- Leggið svo fiskinn ofan á sósuna og grænmetið og leyfið þessu að malla þar til fiskurinn er nánast eldaður í gegn.
Skref3
- Stráið osti yfir ásamt smá paprikudufti og stingið inn í ofn undir grill í 5 mínútur eða þar til osturinn er gullinnbrúnn.
- Stráið yfir saxaðri steinselju og berið fram með góðu salati og brauði eða hrísgrjónum.
Höfundur: Helena Gunnarsdóttir