Fersk límónukaka með ostakremi

Skref1

• Stillið ofn á 175°C.
• Þeytið saman smjör og sykur í hrærivél og bætið síðan eggjum saman við einu í einu og hrærið vel á milli.

Skref2

• Bætið þurrefnum saman við og hrærið með sleif.
• Síðan er límónuberkinum, -safanum og rjóma bætt út í og hrært saman með sleif.
• Gott er að hræra hvorki of mikið né lengi.

Skref3

• Setjið deigið í bökunarform sem er 24 cm í þvermál. Gott er að nota sílikonform en það er ekkert verra að nota hefðbundið kökuform, þó er betra að klæða þau með bökunarpappír.
• Bakið kökuna í miðjum ofni í 24 mínútur.

Krem

• Þeytið rjómann og setjið til hliðar.
• Hrærið saman önnur hráefni og bætið loks rjómanum varlega saman við.
• Þegar kakan er orðin köld er kreminu smurt ofan á hana.

Höfundur: Erna Sverrisdóttir