Eplapæ bolla Elenoru

Skref1

• Byrjið á að útbúa vatnsdeigsbollurnar.
• Hitið mjólkina, vatnið, smjörið og sykurinn upp að suðu.
• Bætið hveitinu saman við og hrærið stanslaust þar til filma myndast á botninum á pottinum og deigkúla fer að myndast úr deiginu. Mikilvægt er að nota brauðhveiti svo bollurnar falli ekki og haldi formi. Deigið á að losna vel frá hliðum pottsins þegar það er tilbúið.
• Færið deigið í hrærivélaskál og hrærið þar til deigið er orðið volgt og þið getið snert það án þess að finna hita.
• Hrærið saman eggin og saltið til að brjóta upp eggin og blanda þeim vel saman við saltið.
• Bætið eggjunum saman við í nokkrum skömmtum og hrærið vel inn á milli. Hrærið þar til deigið er ekki lengur stíft en heldur þó enn þá formi. Þegar það lekur af sleifinni í einskonar V formi þá er það tilbúið.

Skref2

• Sprautið deiginu á pappírsklædda plötu með góðu millibili.
• Stillið ofninn á 220°C.
• Þegar ofninn er tilbúin eru bollurnar settar inn í ofninn og hitinn lækkaður í 190°C í 15 mínútur.
• Eftir 15 mínútur er hitinn lækkaður í 170°C og bollurnar bakaðar áfram í 15-20 mínútur eða þar til þær eru gullinbrúnar og búnar að mynda góða skorpu að utan.

Skref3

• Byrjið nú að gera epla fyllinguna.
• Setjið smjör og sykur saman í pott og leyfið því að bráðna vel saman. Setjið eplin og kanilinn út í og sjóðið saman þar til karamellan hefur þykknað og eplin eru vel brúnuð.
• Þeytið nú rjóma og hafið tilbúinn.
• Skerið bollurnar til helminga og setjið sítrónu curd og pistasíusmjör á botninn.
• Setjið þar næst rjómann á bollurnar og að lokum bökuðu eplin.
• Lokið bollunni og njótið!

Höfundur: Elenora Rós Georgesdóttir