Eplakaka með stökkum toppi

Skref1

• Hitið ofn í 170°C með blæstri.
• Byrjið á að flysja eplin og skera þau í teninga.
• Setjið eplin í skál og blandið saman við þau 1 msk. hveiti, 1 msk. sykri og 2 tsk. kanil.

Skref2

• Þeytið saman í annarri skál, 150 g smjöri, 250 g sykri þar til létt og ljós.
• Bætið eggjunum út í einu í einu og hrærið vel á milli.
• Bætið sýrða rjómanum út í og blandið vel saman.

Skref3

• Pískið eða sigtið saman hveiti, lyftiduft, matarsóda og salt og bætið út í smjör og eggjablönduna.
• Blandið þurrefnunum varlega saman við og hrærið bara þar til allt er rétt komið saman.
• Setjið deigið í smurt bökunarform með bökunarpappír í botninum.
• Dreifið eplabitunum jafnt yfir allt deigið og þrýstið þeim aðeins ofan í deigið.

Skref4

• Hrærið saman í skál með gaffli, brædda smjörinu, sykri, hveiti og smá salti þar til mylsna myndast og dreifið þessu yfir kökuna. Gott að hafa bæði stóra klumpa og mylsnu.
• Setjið neðarlega í ofn og bakið í u.þ.b 50 mínútur eða þar til prjóni sem stungið er í miðja köku kemur hreinn upp (gott að athuga eftir 45 mínútur).

Höfundur: Helena Gunnarsdóttir