Epla ostakaka með stökku hafrakurli

Eplafylling - aðferð

• Afhýddu eplin, fjarlægðu kjarnann og skerðu þau í meðalþykkar sneiðar.
• Bræddu smjörið í potti við meðalhita ásamt vatni, púðursykri, kanil, sítrónusafa, vanilludropum, múskati og örlitlu salti. Hrærið þar til sykurinn hefur leyst upp.
• Bættu eplasneiðunum út í og hrærðu varlega þannig að þær hjúpist af sósunni án þess að merja þær. Settu lok á pottinn og láttu eplin malla við miðlungs-lágan hita í um 10 mínútur, eða þar til þau eru orðin mjúk en halda samt lögun.
• Hrærið maíssterkjunni saman við smá vatn og hellið út í pottinn. Hrærið og eldið í um 1 mínútu í viðbót, þar til sósan hefur þykknað aðeins. Takið pottinn af hitanum og leyfið eplafyllingunni að kólna alveg.

Ostakökubotn - aðferð

• Hitið ofninn í 180°C og setjið bökunarpappír í botninn á 25 cm smelluformi.
• Setjið Graham-kexmulning, sykur, kanil og brætt smjör í skál og blandið saman þar til blandan minnir á blautan sand.
• Þrýstið blöndunni vel og þétt niður í botn formsins.
• Bakið í 7–8 mínútur.
• Takið úr ofninum og leyfið botninum að kólna niður í stofuhita.

Ostakökufylling - aðferð

• Lækkið hitann á ofninum í 150°C.
• Setjið rjómaost, sykur og vanilludropa í stóra skál. Þeytið með handþeytara á meðalhraða þar til blandan er silkimjúk og kekkjalaus.
• Bætið sýrða rjómanum saman við og blandið þar til allt hefur blandast vel saman.
• Hrærið eggin létt saman í sér skál og hellið þeim síðan út í ostakökublönduna. Blandið á lágum hraða rétt þar til eggin hafa blandast saman við. Passið að hræra ekki of mikið, því við viljum ekki fá of mikið loft í fyllinguna.
• Sigtið maíssterkjuna yfir blönduna og blandið henni varlega saman við með sleikju þar til fyllingin er slétt og falleg.

Stökkt hafrakurl

• Næst er það hafrakurlið (crumble).
• Blandið saman hveiti, haframjöli, púðursykri, kanil og salti í meðalstórri skál.
• Hellið brædda smjörinu saman við og hrærið með gaffli þar til myndast grófir, litlir molar.

Samsetning

• Hellið helmingnum af ostakökufyllingunni yfir kælda botninn.
• Dreifið kældu eplunum jafnt yfir fyllinguna.
• Hellið því sem eftir er af ostakökufyllingunni varlega yfir eplin og sléttið yfirborðið.
• Dreifið hafrakurlinu ríkulega yfir toppinn.
• Bakið við 150°C í 60–75 mínútur, eða þar til kantarnir hafa náð að stífna en miðjan er enn örlítið mjúk.
• Slökkvið á ofninum, opnið ofnhurðina lítillega og leyfið ostakökunni að kólna rólega inni í ofninum í 1–2 klukkustundir. Þessi hæga kæling hjálpar til við að koma í veg fyrir að kakan springi.
• Þegar kakan hefur kólnað niður í stofuhita, setjið hana í ísskáp og kælið í að minnsta kosti 5 klukkustundir, helst yfir nótt. Þá nær hún að stífna almennilega og verður enn betri.
• Áður en kakan er borin fram, rennið þunnum hníf varlega meðfram köntunum og losið smelluformið.
• Toppið með saltaðri karamellusósu, skerið í fallegar sneiðar og berið fram.

Höfundur: Ana Rebelo Pinto