Epla og karamellu bollakökur

Skref1

• Hitaðu ofninn í 180 gráður og raðaðu formum á bakka.

Skref2

• Blandaðu saman hveiti, lyftidufti, kanil og salti í skál.
• Settu smjörið í skál og hrærðu þar til smjörið verður mjúkt og fínt, bættu því næst sykrinum saman við og hrærðu vel saman í um 3 mínútur.
• Bættu einu eggi saman við í einu og hrærðu vel á milli.
• Bættu svo við smá af hveitiblöndunni og smá af heita vatninu saman við og hrærðu á litlum hraða. Bættu svo restinni saman við. Það er mikilvægt að blanda hveitinu og vatninu smá og smá saman við svo að það sé ekki of mikið álag á deiginu, þá getur það orðið seigt.
• Blandaðu rifnu eplunum saman við varlega með sleif.

Skref3

• Settu deigið í formin og fylltu þau um 2/3.
• Bakaðu kökurnar í um 18-22 mínútur.
• Kældu kökurnar í um 20 mínútur, eftir að þú tekur þær úr ofninum.
• Skerðu innan úr miðjunni á hverri köku til þess að fylla hana af karamellu.

Vanillu og rjómaostakrem

• Settu allt saman í skál og hrærðu þar til blandan verður mjúk og létt.
• Gott er að hræra á miklum hraða síðustu 2 mínúturnar.

Karamella

• Settu sykurinn í pott undir meðalháan hita og hrærðu vel í þangað til hann er vel bráðnaður og orðin örlítið dökkur.
• Bættu smjörinu saman við og hrærðu vel.
• Taktu af hellunni og bættu rjómanum saman við. Hrærðu þangað til blandan er orðin mjúk og fín. Kældu inn í ísskáp í um 15 mínútur.
• Sprautaðu svo karamellunni ofan í hverja bollaköku fyrir sig, settu kremið á og skreyttu með restinni af karamellunni.

Höfundur: Thelma Þorbergsdóttir