Menu
Ein með öllu pizza

Ein með öllu pizza

Þessi pizza kallast Ein með öllu þar sem það er ansi mikið álegg á henni og hún því með eindæmum ljúffeng. Ef það gefst ekki tími til að búa til eigið pizzadeig má að sjálfsögðu kaupa það tilbúið.

Athugið að hægt er að gera deigið deginum áður, skipta niður í 5 kúlur, hjúpa hverja með olíu og setja hverja og eina í sér filmuplast/zip lock poka og geyma í kæli. Mikilvægt er síðan að leyfa deiginu að ná stofuhita áður en það er teygt út og álegg sett á.

Innihald

5 skammtar

Pizzadeig:

hveiti
volgt vatn
salt
þurrger
jómfrúar ólífuolía

Álegg:

pizzasósa
rifinn pizzaostur frá Gott í matinn
piparostur
hreinn rjómaostur frá Gott í matinn
steikt nautahakk
stökkt beikon (niðurskorið)
pepperoni
græn paprika
rauðlaukur
sveppir
ferskt timian

Pizzadeig

  • Setjið þurrefnin í hrærivélarskál og festið krókinn á (þetta deig má einnig hnoða saman í höndunum en þá þarf að gera stóra holu í þurrefnahrúguna og blanda vatni og olíu saman við í nokkrum skömmtum).
  • Blandið þurrefnunum saman og hellið vatni og ólífuolíu saman við og hnoðið í nokkrar mínútur.
  • Penslið stóra skál með matarolíu, veltið deigkúlunni upp úr olíunni, plastið skálina og leyfið að hefast í um 1 ½ – 2 klukkustundir.

Pizza

  • Skiptið deiginu niður í 5 hluta.
  • Setjið álegg á hvern botn og bakið við 220°C í um 13-15 mínútur.
Pizza

Höfundur: Berglind Hreiðarsdóttir