Eftirréttur með marengsrósum og skyri

Skref1

• Eggjahvítur eru þeyttar og sykri blandað saman við.
• Blandan er þeytt þar til hún er orðin stífþeytt.
• Þá er lyftidufti og matarlit blandað saman við.
• Marengsblandan er sett í sprautupoka með sprautustútnum 1 M.
• Rósir eru sprautaðar á bökunarpappír þannig að rósir myndast.
• Marengsrósirnar eru bakaðar við 130°C hita í 1 ½ klst.

Skref2

• Oreokex er mulið og sett í skál. Sykri og bræddu smjöri er hrært saman við.
• Mulningurinn fer í botn á skálum eða glösum.

Skref3

• Þá er Toblerone brætt yfir vatnsbaði, leyft að kólna og síðan blandað saman við súkkulaðiskyrið.
• Þá er rjómi þeyttur og blandaður varlega saman við skyrblönduna.
• Skyrblandan er þá sett yfir Oreomulninginn.
• Það kemur skemmtilega út að skera jarðarber í sneiðar og setja á milli.
• Marengsrós kemur síðan yfir blönduna.

Höfundur: Hjördís Dögg Grímarsdóttir