Djúpsteiktir ostar - Gullostur og Stóri Dímon
Þessi réttur er ákaflega einfaldur. Fá hráefni - blandað saman á einfaldan hátt, djúpsteikt (syndin ljúfa) og svo bara að njóta!
Þessi ostaveisla dugar fyrir 4-6.
Innihald
1 skammtar
Gullostur
Stóri Dímon
Egg
Hveiti
Brauðmylsna
Salt og pipar
Meðlæti:
Brauðsneiðar (4-6 sneiðar)
Hvítlauksolía
Avókadó
Blandað salat
Sinnep (3-4 tsk.)
Sulta (3-4 tsk.)
| Gullostur | |
| Stóri Dímon | |
| Egg | |
| Hveiti | |
| Brauðmylsna | |
| Salt og pipar |
| Brauðsneiðar (4-6 sneiðar) | |
| Hvítlauksolía | |
| Avókadó | |
| Blandað salat | |
| Sinnep (3-4 tsk.) | |
| Sulta (3-4 tsk.) |
Gullostur
- Skerið Gullostinn í bita.
- Hjúpið fyrst með bragðbættu hveiti (salti og pipar).
- Veltið svo upp úr eggi, svo mylsnu og svo aftur upp úr eggi og mylsnu til að fá þéttan hjúp.
- Djúpsteikið nokkra í einu - hafið þá aðskilda þannig að þeir límist ekki saman.
- Ef notaður er djúpsteikingarpottur er gott að steikja bitana við 170 gráður.
- Steikið bitana þangað til að þeir eru fallega gullinbrúnir.
- Gullostinn er gott að bera fram á djúpsteiktu brauði með bláberja- og púrtvínssultu.
Stóri Dímon
- Það sama er gert við Stóra Dímon nema hvað hann er skorinn niður í stangir.
- Hjúpaður á sama hátt og Gullosturinn og steiktur þar til hann verður gullinbrúnn.
- Tyllið smá sinnepi á ostinn og berið fram með avókadósneiðum og salati.
Höfundur: Ragnar Freyr Ingvarsson