Desember drottningin

Súkkulaðibitakökur

• Hitið ofn í 170 gráður með blæstri, annars 190 gráður án blásturs.
• Þeytið saman smjör, sykur og vanillu þar til létt og ljóst. Bætið eggjunum út í einu í einu og þeytið vel á milli.
• Sigtið saman í skál hveiti, matarsóda og salt og hrærið saman við. Gætið þess að hræra ekki of mikið.
• Bætið við 300 g af súkkulaði og hrærið öllu saman.
• Kælið deigið í a.m.k. 1 klst. Deigið má gjarnan gera daginn áður en það er bakað, það verður bara betra við kælinguna.
• Setjið rúmlega eina matskeið af deiginu á pappírsklædda ofnplötu. Athugið að hafa gott bil á milli þar sem kökurnar renna vel út, ég set 9 kökur á hverja plötu.
• Bakið í um það bil 10-12 mínútur eða þar til kökurnar hafa brúnast í kantinn og eru enn seigar í miðjunni.
• ATH ef þið viljið mjög þunnar og seigar kökur er gott ráð að lyfta bökunarplötunni þegar bökunartíminn er um það bil hálfnaður og láta hana detta niður, þá falla kökurnar í miðjunni og verða enn þynnri. Þetta má endurtaka aftur ef kökurnar lyfta sér aftur í miðjunni.
• Kælið á grind.

Mascarpone vanillurjómi

• Setjið kaldan rjóma, kaldan mascarpone, flórsykur og vanillu í skál og þeytið þar til fallegir toppar myndast. Þetta tekur nokkrar mínútur.
• Best finnst mér að setja þetta í hrærivélaskál og hræra á rólegum hraða þar til byrjar aðeins að þykkna, auka þá hraðann og þeyta í mjúka toppa.

Samsetning

• Setjið smávegis af vanillurjómanum á botninn á kökudiski. Raðið þá fyrsta smákökulaginu þannig að fylli næstum út í jaðrana á diskinum. Setjið þá um það bil 1,5 cm lag af vanillurjómanum ofan á kökurnar og dreifið úr. Haldið áfram þar til þið hafið klárað vanillurjómann og kökurnar (eða það sem klárast fyrst).
• Athugið að þegar nær dregur efstu lögum jólatrésins er gott að brjóta smákökurnar niður í tvennt eða smærri bita til að koma þeim betur fyrir. Toppið tréð með einni heilli smáköku og vænni doppu af vanillurjóma.
• Leggið plastfilmu lauslega yfir jólatréð og kælið í ísskáp í a.m.k. 4-6 klst.
• Dustið smá flórsykri yfir og berið fram.
• Eftir kælingu hafa kökurnar mýkst þannig að hægt er að skera eins og venjulega tertu.

Höfundur: Helena Gunnarsdóttir