Burrata með bökuðum tómötum
Svei mér þá ef þetta er ekki einn besti smá- eða forréttur seinni tíma. Ég er fékk svipaðan rétt á dásamlegum veitingastað á Spáni í vor og gat ekki beðið eftir að koma heim og gera mína útgáfu. Það er hægt að undirbúa allt fyrirfram og setja réttinn svo saman rétt áður en hann er borinn fram en þessi uppskrift dugar fyrir tvo sem smá- eða forréttur.
Innihald
2 skammtar
Tómatar
piccolo- eða kirsuberjatómatar
ólífuolía
•
salt og pipar
Stökkar hnetur
valhnetur
sykur
smjör
Basilolía
góð handfylli
fersk basilblöð
ólífuolía
lítið hvítlauksrif
vatn
•
smá klípa þurrkaðar chilliflögur
•
salt og pipar
| piccolo- eða kirsuberjatómatar | |
| ólífuolía | |
| • | salt og pipar |
| valhnetur | |
| sykur | |
| smjör |
| góð handfylli | fersk basilblöð |
| ólífuolía | |
| lítið hvítlauksrif | |
| vatn | |
| • | smá klípa þurrkaðar chilliflögur |
| • | salt og pipar |
Skref1
- Byrjið á að skera tómatana í tvennt, veltið upp úr ólífuolíu, salti og pipar og bakið við 170 gráður í um það bil 30-40 mínútur eða þar til þeir eru sætir og vel krumpaðir.
Skref2
- Setjið valhnetur, sykur og smjör á pönnu. Kveikið á meðalháum hita og hrærið í allan tímann á meðan smjörið og sykurinn bráðnar alveg og þekur hneturnar. Þetta tekur um það bil 10 mínutur.
- Takið þá af hitanum, hellið hnetunum á bökunarpappír og látið kólna alveg.
Skref3
- Setjið öll innihaldsefnin í basilolíuna í blandara eða blandið saman með töfrasprota.
- Smakkið til með salti og pipar.
Skref4
- Setjið réttinn saman.
- Leggið burrata ostinn á fallegan disk og skerið kross í toppinn á ostinum þannig að hann opnist eins og stjarna.
- Toppið með bökuðu tómötunum, hnetunum, vel af basilolíu og njótið.
Höfundur: Helena Gunnarsdóttir