Brauðbollur með bökuðum Brie

Skref1

• Hitið mjólkina við meðal háan hita þar til hún er alveg að fara sjóða.
• Takið þá pottinn af hitanum og bætið smjöri og sykri saman við. Geymið þó 1 msk. af sykri til þess að blanda saman við gerið.
• Hrærið þar til smjörið hefur bráðnað alveg og sykurinn blandast vel saman við.
• Hitið vatn, passið þó að vatnið sé ekki sjóðandi heitt og hægt er að dýfa fingri ofan í vatnið án óþæginda.
• Setjið gerið saman við ásamt 1 msk. af sykri og hrærið saman.
• Látið gerið standa í rúmar 10 mínútur eða þar til það er farið að freyða.

Skref2

• Blandið gerblöndunni og mjólkurblöndunni saman í skál ásamt eggjum, salti og hveiti.
• Hrærið á litlum hraða þar til allt hefur blandast vel saman og deigið hefur myndað stóra þétta kúlu. Hnoðið deigið í hrærivélinni í rúmar 5 mínútur.
• Setjið deigið í skál með loki eða rökum klút yfir og látið standa í rúma klukkustund. Því lengur sem deigið stendur því betra.
• Þegar deigið hefur lyft sér þá þarf að hnoða það til þess að losa loft sem hefur myndast við hefingu.
• Skiptið deiginu niður og myndið litlar kúlur úr deiginu.
• Deigið ætti að duga í 40-45 litlar bollur.

Skref3

• Setjið Dala Brie á bökunarplötu með smjörpappír.
• Raðið brauðbollunum hringinn í kringum ostinn. Gerið tvöfalda röð af brauðbollum, eða eins margar og þið viljið. Þær bollur sem ekki raðast í kringum ostinn má baka á auka plötu.
• Hrærið eitt egg vel í skál og penslið egginu yfir bollurnar.
• Stráið salti yfir bollurnar og örlítið af rósmarín.
• Gott er að leggja hreint viskastykki yfir bollurnar og láta þær standa yfir í rúmar 15-30 mínútur áður en þið bakið þær.

Skref4

• Áður en þið bakið ostinn og bollurnar þarf að blanda kryddblönduna sem bakast með ostinum.
• Saxið fersku kryddjurtirnar smátt niður og blandið saman við ólífuolíu og rauðvínsedik.
• Kryddið með salti og pipar og hrærið vel saman. Setjið helminginn af kryddblöndunni yfir ostinn.
• Hitið ofninn í 180 gráður og bakið bollurnar og ostinn í rúmar 20 mínútur eða þar til bollurnar eru orðnar fallega gylltar að lit.
• Þegar bollurnar eru tilbúnar er restinni af kryddblöndunni helt yfir ostinn og hann hrærður saman við.
• Best að njóta á meðan osturinn og bollurnar eru heitar og góðar.
• Deigið má gera daginn áður og geyma inni í kæli eftir hefingu.
• Skreytið með fersku rósmarin og t.d. granateplum.

Höfundur: Thelma Þorbergsdóttir