Bollur með kanil rjómaostakremi, Nutella og kókos

Skref1

• Sjóðið vatn og smjör saman í potti þar til smjörið hefur bráðnað.
• Blandið hveitinu og saltinu saman við og hrærið rösklega þar til deigið sleppir pottinum og myndar kúlu úr deiginu.
• Takið pottinn af eldavélinni, setjið deigið í aðra skál og látið kólna örlítið.
• Þegar deigið hefur náð stofuhita er eggjunum bætt saman við, einu í senn og hrært varlega á milli með hrærivél.

Skref2

• Setjið smjörpappír á ofnplötu.
• Setjið deigið í sprautupoka og sprautið því á plötuna með jöfnu millibili.
• Bakið við 200 gráður í 20 mínútur og passa þarf að opna ofninn alls ekki fyrstu 15 mínúturnar af bakstrinum.
• Hitinn á bakaraofnum er mjög mismunandi. Ef ykkur finnst bollurnar vera að brúnast heldur fljótt er gott að lækka hitann í 170 gráður eftir 5 mínútur.
• Látið bollurnar kólna alveg áður en sett er á þær.

Rjómaostafylling

• Næst er það rjómaostafyllining.
• Þeytið rjómann þar til hann verður stífur og stendur, passið þó að þeyta hann ekki of mikið.
• Þeytið rjómaostinn, sykur, salt, vanilludropa og kanil saman í annarri skál þar til blandan verður ljós og létt.
• Blandið rjómanum varlega saman við með sleif þar til allt hefur blandast vel saman.

Samsetning

• Skerið bollurnar, setjið rjómaostinn á milli og lokið bollunni.
• Gott er að setja Nutella í skál og hita örlítið í örbylgjuofninum svo það verði mjúkt og auðvelt sé að setja það ofan á bollurnar.
• Setjið 1 msk. af Nutella ofan á hverja bollu ásamt kókós.
• Geymið bollurnar í kæli þar til þær eru bornar fram.

Höfundur: Thelma Þorbergsdóttir