Bollur með hindberjum og lakkrís

Vatnsdeigsbollur

• Stillið ofn á 180°C.
• Setjið vatn og smjör í pott og leyfið smjörinu að bráðna.
• Takið pottinn af hitanum og hrærið hveitinu saman við þar til deigið er orðið einn massi, kælið deigið örlítið.
• Setjið deigið í hrærivélarskál og bætið eggjunum út í einu í einu og hrærið vel á milli.
• Setjið deigið þá í sprautupoka og sprautið bollur á smjörpappír klædda plötu, eða notið tvær teskeiðar til setja deigið á plötuna.
• Bakið í 18-20 mínútur. Ef þið viljið hafa bollurnar stærri þá er tíminn aukinn í samræmi við það.

Lakkrískrem

• Setjið hráefnin saman í pott og látið malla á miðlungshita í 10-20 mín. eða þar til að lakkrísinn er að mestu bráðnaður.
• Setjið í skál og leyfið að kólna, gott að setja inn í ísskáp í svolitla stund.

Fylling og samsetning

• Skerið bollurnar í tvennt.
• Þeytið rjómann og setjið í sprautupoka, sprautið hring á neðri helming bollunnar og skiljið eftir pláss í miðjunni.
• Takið þá eina teskeið af lakkrískremi og setjið í miðjuna, gott er að setja einn rjómadropa yfir.
• Takið þá frosin hindber og myljið yfir rjómann með því að pressa þau saman svo þau leysast upp í korn.
• Lokið bollunum og sáldrið flórsykri yfir þær með sigti eða tesíu.

Höfundur: Guðrún Ýr Eðvaldsdóttir