Bollakökur með karamellu og pekanhnetum

Skref1

• Ofninn stilltur á 180°C
• Bræðið smjörið í potti undir meðalhita þangað til smjörið er bráðnað og orðið dökkt að lit, setjið síðan smjörið í skál og látið kólna, skafið smjörið vel úr pottinum og líka það brúna sem er í botninum.
• Hrærið hveiti, lyftidufti, salti og sykri vel saman.
• Hrærið eggin, mjólkina og vanilludropana saman í sér skál, bætið svo við smjörinu þegar það hefur náð stofuhita, einnig er mikilvægt að eggin og mjólkin séu við stofuhita.
• Blandið því síðan saman við hveitiblönduna og hrærið þangað til allt er vel blandað saman.
• Saxið pecanhneturnar niður í litla bita og bætið saman við deigið, hrærið þangað til þær hafa blandast vel saman við.
• Setjið deigið í bollakökuform og bakið í um 18-22 mínútur eða þar til þær eru orðnar ljósbrúnar að lit.

Skref2

• Útbúið rjómaostakremið á meðan kökurnar kólna.
• Blandið saman rjómaostinum, smjöri og vanilludropum þangað til að blandan er orðin mjúk og létt.
• Bætið flórsykrinum saman við, smá og smá í einu og hrærið vel á milli á litlum hraða.
• Skafið hliðarnar á skálinni vel og hrærið á miklum hraða í 2 mínútur eða þangað til kremið er orðið mjúkt og létt.

Skref3

• Sprautið kreminu á bollakökurnar og veltið þeim svo upp úr niðurskornum ristuðum karamelluhnetum og setjið síðan rúmlega 1 msk. af karamellu yfir

Höfundur: Thelma Þorbergsdóttir