Blaut súkkulaðikaka með myntukremi og After Eight

Blaut súkkulaðikaka

• Hitið ofninn í 180 gráðu hita og setjið smjörpappír í tvö hringlaga bökunarform (um 24cm).
• Blandið kakói og heitu vatni saman og hrærið vel, bætið svo sýrða rjómanum saman við og setjið til hliðar.
• Hrærið smjör og sykur saman þar til blandan verður ljós og létt.
• Blandið einu eggi í senn út í og hrærið stuttlega á milli.
• Bætið vanilludropum saman við.
• Hrærið saman hveiti, lyftidufti, salti og innihaldinu úr súkkulaðibúðingnum.
• Blandið þurrefnunum saman við deigið ásamt súkkulaðiblöndunni smátt og smátt í einu.
• Hrærið þar til allt hefur blandast vel saman.
• Gott er að skafa hliðarnar á skálinni og hræra vel.
• Raðið Oreo kexkökum í botninn á kökuforminu, ofan á smjörpappirinn. Gott er að geyma 2 Oreo kexkökur til að skreyta kökuna enn frekar.
• Hellið deiginu jafnt í bökunarformin og jafnið það út varlega með spaða eða sleif, passið ykkur að Oreo kexið fari ekki á flakk.
• Bakið í miðjum ofni í 20 mínútur eða þar til tannstöngull kemur næstum hreinn upp úr miðju kökunnar.
• Kakan er aðeins blaut í sér út af súkkulaðibúðingnum og á að vera þannig, það gerir hana einstaklega mjúka og góða.
• Kælið kökuna alveg áður en þið setjið kremið á hana.

Myntukrem

• Hrærið smjörið þar til það verður ljóst og létt.
• Bætið flórsykri saman við smátt og smátt í einu og hrærið vel á milli.
• Blandið rjómanum saman við ásamt piparmyntudropum.
• Skafið hliðarnar á skálinni og hrærið þar til kremið er orðið slétt og fínt.
• Ef ykkur finnst kremið vera of þykkt þá er um að gera að bæta örlitlum rjóma saman við og hræra vel.
• Setjið matarlit saman við og hrærið.

Samsetning

• Setjið kökubotnana á kökudisk og snúið Oreo hliðinni upp.
• Setjið krem á milli botnanna tveggja og utan um alla kökuna.
• Notið restina af kreminu til að skreyta að vild. Það er fallegt að skera After Eight súkkulaði til helminga, horn í horn og setja ofan á. Ég notaði sprautustút frá Wilton 1M til að skreyta kökuna.
• Hakkið síðan 2 Oreo kex og stráið yfir kökuna í lokin til að gefa henni fallegra útlit og betra bragð.

Höfundur: Thelma Þorbergsdóttir