Bláberja og skyrbolla með lakkrísdufti

Skref1

• Byrjið á að útbúa bláberja compote þar sem það þarf að kólna vel.
• Setjið innihaldsefnin saman í pott og hrærið vel í af og til þar til allt er komið saman og farið að sjóða.
• Leggið til hliðar og útbúið vatnsdeigsbollurnar.

Skref2

• Byrjið á að hita mjólkina, vatnið, smjörið og sykurinn upp að suðu.
• Bætið hveitinu saman við og hrærið stanslaust þar til filma myndast á botninum á pottinum og deigkúla fer að myndast úr deiginu. Mikilvægt er að nota brauðhveiti svo bollurnar falli ekki og haldi formi. Deigið á að losna vel frá hliðum pottsins þegar það er tilbúið.
• Færið deigið í hrærivélaskál og hrærið þar til deigið er orðið volgt og þið getið snert það án þess að finna hita.
• Hrærið saman eggin og saltið til að brjóta upp eggin og blanda þeim vel saman við saltið.
• Bætið eggjunum saman við í nokkrum skömmtum og hrærið vel inn á milli. Hrærið þar til deigið er ekki lengur stíft en heldur þó enn formi. Þegar það lekur af sleifinni í einskonar V formi þá er það tilbúið.

Skref3

• Sprautið deiginu á pappírsklædda plötu með góðu millibili.
• Stillið ofninn á 220°C.
• Þegar ofninn er tilbúinn eru bollurnar settar inn í ofninn og hitinn lækkaður í 190°C í 15 mínútur.
• Eftir 15 mínútur er hitinn lækkaður í 170°C og bollurnar bakaðar áfram í 15-20 mínútur eða þar til þær eru gullinbrúnar og búnar að mynda góða skorpu að utan.

Skref4

• Þeytið nú rjómann. Setið kaldan rjóma í hrærivélaskál og þeytið þar til hann er rétt að byrja að þykkna (mjúkir toppar).
• Hrærið skyrið saman við sykur og vanillu í sér skál þar til slétt.
• Blandið skyrinu varlega saman við rjómann með sleikju eða á lágum hraða þar til það er orðið létt og loftkennt.
• Skerið nú bollurnar til helminga.
• Setjið bláberja compote og sítrónu curd í botninn.
• Setjið þar næst skyr rjómann á bollurnar og lokið bollunum.
• Sigtið lakkrísduft yfir bollurnar og njótið!

Höfundur: Elenora Rós Georgesdóttir