Menu

Bjór kjúklingur með kartöflusalati, fylltum sveppum og kaldri sósu

Innihald

4 skammtar

Kjúklingur

salt og pipar
ólífuolía
heill kjúklingur
dós af bjór (milli dökkum)
sítróna
grein thyme
grein rósmarín

Kartöflusalat

salt og pipar
smælki
sýrður rjómi 18% frá Gott í matinn
graslaukur
shallottu laukar
chilli
sítróna
hunang

Fylltir sveppir

kjörsveppir
Dala Hringur
kurlað beikon

Köld sósa

mjólk
gráðaostur eða piparostur

Skref1

  • Kjúklingurinn er skolaður og lítil göt gerð undir skinnið á honum, í götin er stungið einni sneið af sítrónu, einni grein af thyme og einni af rósmarín.
  • Bjórinn opnaður og dósinni er komið fyrir inn í kjúklingnum til að gufusjóða kjúlinginn að innan með bjór.
  • Kjúklingurinn er nuddaður með olíu og kryddaður með salti og svörtum pipar.
  • Grillið er hitað og fuglinn settur á það þannig að hann standi uppréttur. Grilltími fer eftir stærð fuglsins en yfirleitt um 1,5 klst.
  • Gott getur verið að hafa álpappír vafinn um fuglinn fyrstu 15-25 mínúturnar.

Skref2

  • Kartöflurnar eru soðnar heilar í vatni, síðan eru þær sigtaðar og kældar.
  • Hver kartafla er skorin í fjóra bita.
  • Skarlottu laukurinn er skrældur og skorinn fínt niður, chillíinn er einnig saxaður fínt, graslaukurinn er saxaður og blandaður við skarlottinn og chillíinn.
  • Að lokum er sýrðum rjóma og hunangi blandað saman við og börkur af ½ sítrónu raspaður út í.
  • Smakkað er til með smá sítrónu safa, salti og pipar.

Skref3

  • Stilkurinn af sveppunum er hreinsaður úr.
  • Beikonkurlið er steikt á pönnu þar til að það er orðið stökkt.
  • Beikoninu er skipt jafnt ofan í sveppina og ostur er skorinn smátt og sett ofan á beikonið.
  • Kryddað með salti og pipar og grillað í 10-15 mínútur.

Skref4

  • Mjólkin er hituð í potti upp að suðu, ostinum er bætt við og pískað saman eða tekið með töfrasprota.
  • Krydduð til með salti og pipar og síðan kæld.

Höfundur: Ungkokkar, Klúbbur matreiðslumeistara