Biscotti með súkkulaði og pistasíuhnetum

Skref1

• Hitið ofninn í 170 gráður og setjið bökunarpappír á bökunarplötu.
• Hrærið smjör, sykur og púðursykur saman þar til blandan verður ljós og létt.
• Bætið eggjum saman við ásamt vanilludropum og möndludropum.
• Setjið hveiti, lyftiduft og salt saman í skál og hrærið vel saman. Blandið saman við og hrærið vel saman.

Skref2

• Grófsaxið pistasíuhneturnar ásamt súkkulaðinu og blandið saman við deigið.
• Hrærið létt þar til allt hefur náð að blandast vel saman.
• Setjið hveiti á eldhúsbekkinn og hnoðið deigið léttilega svo það festist saman.
• Skiptið deiginu niður í 3 parta og formið sívala hleifa úr því, ca. 10 cm að breidd og setjið á bökunarplötu.
• Bakið í 25 mínútur.

Skref3

• Takið hleifana út úr ofninum og látið þá standa í 10 mínútur.
• Skerið hleifana í um 2 um þykkar sneiðar og leggið á plötuna með sárið upp.
• Bakið í 10 mínútur.
• Snúið kökunum við á hina hliðina og bakið í aðrar 10 mínútur.
• Kælið kökurnar, kökurnar eiga að vera stökkar og góðar.

Skref4

• Bræðið súkkulaði í skál inni í örbylgjuofni þar til súkkulaðið hefur nánast allt bráðnað. Hrærið vel í því þar til súkkulaðið er orðið slétt og fínt.
• Dýfið endanum á hverri köku ofan í súkkulaðið eða eins og þið viljið og setjið saxaðar pistasíuhnetur yfir súkkulaðið.

Höfundur: Thelma Þorbergsdóttir