BBQ pönnupizza

Skref1

• Hitið ofn í 200 gráður.
• Takið pönnu sem má fara í ofn og hitið við háan hita. Ef þið eigið ekki pönnu sem má fara í ofn má vel gera pizzuna með hefðbundnum hætti á bökunarplötu.

Skref2

• Brúnið hakkið, hellið tómötum yfir, ásamt BBQ sósu og kryddi.
• Smakkið til með salti og pipar.
• Leyfið þessu að malla í 10 -15 mínútur eða þar til mest allur vökvinn er farinn af pönnunni.
• Þegar hakkið er tilbúið færið það þá yfir í skál og þurrkið aðeins af pönnunni með eldhúspappír.

Skref3

• Leggið pizzabotninn í pönnuna og aðeins upp á hliðarnar.
• Setjið helminginn af ostinum beint á botninn og piprið.
• Setjið hakkið þar ofan á og toppið svo með restinni af ostinum og piprið.
• Skerið rauðlauk í hringi og raðið þeim efst.
• Bakið í ofni í 15 mínútur.

Skref4

• Takið pizzuna úr ofninum, toppið með bbq sósu og ferskum kóríander eða steinselju.

Höfundur: Helena Gunnarsdóttir