Menu

Uppáhalds djöflatertan

Djöflaterta og mjólkurglas – fullkomin samsetning! Uppskriftir af svona klassískri köku eru alveg óteljandi og svipað og með lasagna á Ítalíu, þar sem hver fjölskylda á sér sína uppskrift sem oft á tíðum er haldið leyndri, þá ætlum við ekki að gera það.

Hér er komin okkar uppáhalds djöflaterta. Uppskriftin er ekkert leyndarmál, því hana á ein af skemmtilegri sjónvarpskokkum sem sjást á skjánum, Ina Garten sem kemur fram undir nafninu Barefoot Contessa. Kakan er draumi líkust og við erum á því að hlutföllin í henni séu fullkomin.

Innihald

12 skammtar
hveiti
sykur
kakó
lyftiduft
natron
salt
mjólk eða rjómi
olía, t.d. repju-, hnetu- eða isio-olía
egg
vanilludropar
heitt kaffi

Krem innihald

suðusúkkulaði
mjúkt smjör
eggjarauða
vanilludropar
flórsykur
kaffiduft
heitt vatn

Botn

  • Hitið ofn í 180 gráður.
  • Setjið öll þurrefnin í hrærivélarskál, hrærið saman á lægstu stillingu og látið þau blandast vel.
  • Bætið þá mjólk eða rjóma, olíu, eggjum, vanilludropum og kaffi saman við og hrærið vel en varlega því blandan er frekar þunn.
  • Hellið í tvö smurð bökunarform, kakan fer best í 23 cm formi því þá ná botnarnir meiri þykkt og kakan er veglegri og reisulegri að bera fram.
  • Setjið í ofn og bakið í 25-35 mínútur.
  • Stingið í botnana með kökuprjóni eftir 25 mínútur og athugið hvort hann kemur hreinn út. Ef svo er þá eru botnarnir bakaðir.
  • Gætið að því að baka þá ekki of mikið, þá verða þeir þurrari en þeir eiga að vera.
  • Kælið áður en kremið fer á þá.

Krem

  • Bræðið súkkulaðið og kælið án þess að það taki að harna.
  • Hrærið það þá saman við mjúkt smjörið, í um 3 mínútur.
  • Setjið eggjarauðuna saman við og hrærið áfram þar til súkkulaðiblandan er glansandi og kekkjalaus.
  • Bætið vanilludropum og flórsykri út í og hrærið rólega.
  • Látið kaffiduftið leysast upp í heitu vatninu og hellið varlega saman við kremið.
  • Hrærið áfram þar til kremið er mjúkt og létt.

Samsetning

  • Smyrjið kremi ofan á annan botninn, leggið þá hinn þar ofan á.
  • Smyrjið kökuna vandlega með kreminu, topp og hliðar.
  • Mörgum þykir betra að kæla súkkulaðiköku eins og þessa áður en hún er borin fram. Það er alfarið ykkar ákvörðun því hún er alltaf jafn góð.
  • Berið fram með þeyttum rjóma, ís, mascarpone-kremi, grískri jógúrt, ávöxtum, berjum … eða bara eina og sér. Hún stendur fyllilega undir því.

Höfundur: Halla Bára Gestsdóttir