- +

Gómsæt og mjúk naan brauð

Innihald
25 g ger
2 msk sykur
200 ml volg mjólk
600 g hveiti
1 tsk salt
2 tsk lyftiduft
4 msk ólífuolía
180 ml hrein jógúrt frá Gott í matinn
1 msk maldon salt
1 msk indversk kryddblanda (t.d. Garam masala eða eð annað gott krydd sem ykkur dettur í hug)
knippi af fersku kóríander
40 g smjör eða kryddsmjör með hvítlauk
4 stk kardimommubelgir, létt kramdir, eða 1 tsk. Garam masala krydd
1 stk hvítlauksrif kramið

Meðlæti handa 4-6

Aðferð:
Setjið ger og sykur saman í skál og hellið volgri mjólk yfir. Látið standa í 15 mínútur. Hveiti, salti, lyftidufti, olíu og jógúrt er svo blandað saman við germjólkina. Hnoðið deigið þar til það verður mjúkt og bætið við hveiti ef ykkur finnst það of lint. Látið deigið hefast í skál í 1 klst. við stofuhita.
Hitið ofninn í 275°C eða stillið grillið á frekar háan hita. Skiptið deiginu í 10 hluta og hnoðið kúlur úr því, fletjið síðan kúlurnar út nokkuð þunnt og þrýstið brauðunum ofan í kryddblönduna sem er blönduð með Maldon-saltinu.

Ef brauðin eru bökuð í ofni eru þau sett á plötu sem er klædd bökunarpappír en ef þau eru grilluð eru þau sett þau á efri grindina á gasgrillinu og bökuð við óbeinan hita í 5-7 mínútur.
Setjið smjör og kardimommur í pott, bræðið smjörið og látið það krauma í 2 mínútur. Veiðið kardimommurnar þá upp úr og setjið hvítlaukinn saman við smjörið (má sleppa ef notað er tilbúið hvítlaukssmjör frá MS). Dreypið smjörinu yfir heit brauðin og klippið ferskt kóríanderlauf yfir allt saman. Berið brauðin strax fram meðan þau eru heit.

Höfundur: Inga Elsa Bergþórsdóttir