Menu

Sterkur blómkálsréttur með banana raitu og grófu naanbrauði

Innihald

4 skammtar

Blómkálsréttur:

laukur, gróft saxaður
stór hvítlauksrif
ferskt engifer, skorið í sneiðar
stórir tómatar, skornir í bita
olía
stórt blómkálshöfuð, skorið í smáa knúpa
túrmerik
cayennepipar
kanill
negull
kardimommuduft
lárviðarlauf
hrásykur
sjávarsalt
rúsínur
kasjúhnetur, ristaðar

Banana raita

hrein jógúrt frá Gott í matinn
vatn
brún sinnepsfræ
grænt chilí, fræhreinsað og fínsaxað
bananar, skornir í 1 cm þykka bita
Sjávarsalt á hnífsoddi

Gróft naanbrauð (4 stk)

volgt vatn
þurrger
hrein jógúrt frá Gott í matinn eða ab-mjólk
hunang
sjávarsalt
Heilhveiti eins og þurfa þykir

Blómkálsréttur

  • Setjið lauk, hvítlauk, engifer og tómata í blandara eða notið töfrasprota og maukið.
  • Steikið blómkálsknúpana upp úr olíunni við meðalhita í 10 mínútur. Takið upp úr pönnunni.
  • Setjið maukið á pönnuna ásamt túrmeriki og cayennepipar. Steikið í 3 mínútur. Bætið síðan hinum kryddunum saman við.
  • Látið blómkálið á pönnuna ásamt rúsínum og hnetum. Hrærið varlega þar til heitt í gegn. Berið fram með grófu naanbrauði og banana-raitu.

Banana raita

  • Setjið sinnepsfræin á pönnu og ristið þar til þau fara að poppa.
  • Hrærið jógúrti og vatni saman. Blandið síðan hinum hráefnum saman við.

Gróft naanbrauð

  • Leysið gerið upp í vatninu. Hrærið og bætið jógúrti saman við ásamt hunangi og salti. Hrærið.
  • Setjið heilhveiti saman við smátt og smátt, hrærið á milli. Gerið þetta þar til deigið er meðfærilegt og hætt að loða við hendur.
  • Hnoðið og myndið kúlu. Látið hefast á hlýjum stað í 10-15 mínútur.
  • Hnoðið aftur og skiptið deiginu í 4 bita. Bætið heilhveiti saman við ef þurfa þykir. Fletjið deigið úr með lófunum og mótið frjálslegan þríhyrning.
  • Þurrsteikið á heitri pönnu, báðum megin.

Höfundur: Erna Sverrisdóttir