- +

Kjúklingasalat með avocado

Innihald:
300 g tilbúinn kjúklingur eða strimlar (með t.d. fajitas kryddi)
⅓ rauðlaukur
4 msk. grísk jógúrt frá Gott í matinn
1 avocado, vel þroskað
2 msk. safi úr límónu
Salt
Pipar
Chilli

Aðferð:

Skerið kjúkling niður í litla bita eða eins og þið viljið, fer eftir því hversu gróft þið viljið að salatið sé. Skerið rauðlauk smátt niður og blandið saman við kjúklinginn ásamt grískri jógurt og safa úr límónu. Hrærið þar til allt hefur blandast saman. Skerið avocado í tvennt og skafið innan úr því, stappið avocadoið vel og blandið saman við salatið og hrærið þar til allt hefur blandast vel saman. Kryddið eftir smekk. Gott er að smakka salatið til svo það sé ekki of kryddað eða of sterkt.

Höfundur: Thelma Þorbergsdóttir