Bragðmiklar hasselback kartöflur með osti og bökuðum rauðlauk | gottimatinn.is
- +

Bragðmiklar hasselback kartöflur með osti og bökuðum rauðlauk

Innihald:
600 g smáar kartöflur (600-800 g)
2 stk vænir rauðlaukar
Bragðmikill stífur ostur, t.d. Óðals Tindur eða sterkur Gouda
100 g smjör, brætt
Salt og pipar
Steinselja til skrauts

Aðferð:

1. Skerið þunnar rifur í kartöflunar og gætið þess að skera ekki alla leið í gegn.
2. Skerið ostinn í litla bita og stingið 3-4 bitum í hverja kartöflu.
3. Leggið kartöflurnar í eldfast mót og setjið laukinn í bátum inn á milli.
4. Hellið bræddu smjöri yfir allt saman og kryddið með salti og pipar.
5. Bakið við 180 gráður í 40 mínútur eða þar til kartöflurnar eru eldaðar í gegn.
6. Stráið steinselju yfir og berið fram. 

Höfundur: Helena Gunnarsdóttir