Heilhveitipizza með kotasælu, grænkáli og sveppum
Einfalt
- +

Heilhveitipizza með kotasælu, grænkáli og sveppum

deig innihald
5 dl heilhveiti
2 tsk hrásykur
2 tsk vínsteinslyftiduft
1½ tsk sjávarsalt
2 dl ylvolgt vatn
1 msk ólívuolía

álegg
2 dl kotasæla
1 dl rifinn mozzarellaostur í poka
2 msk ólívuolía
250 g sveppir, skornir í bita
sjávarsalt og svartur pipar
150 g grænkál
fínrífinn börkur af 1 sítrónu
¼ tsk rauðar chilíflögur
2 msk rifinn parmesanostur

Aðferð:

1. Stillið ofninn á 200°.

2. Setjið þurrefnin í skál og blandið vatni og olíu saman við. Hrærið og hnoðið þangað til þið eruð komin með meðfærilegt deig. Bætið heilhveiti saman við ef þurfa þykir. Skiptið deiginu í fjóra hluta. Fletjið hvern út í frekar þunan renning.

3. Hrærið kotasælu og rifnum mozzarellaosti saman. Dreifið ofan á pizzubotnana.

4. Steikið sveppina upp úr olíu, saltið og piprið. Takið af hitanum og bætið grænkáli, sítrónuberki og chilíflögum saman við. Dreifið jafnt yfir ostablönduna. Bakið í 15-20 mínútur. Sáldrið parmesanosti yfir og berið fram.

Höfundur: Erna Sverrisdóttir