- +

Calzone pizza

Deig:
10 dl hveiti
3 tsk. þurgger
2 tsk. salt
4 dl volgt vatn
3 msk. matarolía

Fylling:
Rifinn mozzarella ostur frá Gott í matinn
Mozzarella perlur
Pizzasósa
Basilika
Kirsuberjatómatar
Virgin ólífuolía

Aðferð:

Blandið þurrefnunum saman.

 

Hellið volgu vatni og matarolíu saman við og hrærið vel með króknum.

 

Smyrjið stóra skál með matarolíu, hnoðið deigið aðeins saman og mótið kúlu, rúllið kúlunni í skálinni svo hún hjúpist með olíu og setjið plast yfir skálina.

 

Leyfið að hefast í klukkustund.

 

Skiptið niður í 5 hluta og fletjið deigið út svo það myndi um 30-35 cm hringi í þvermál.

 

Smyrjið pizzasósu á helminginn af hringnum og skiljið um 1,5 cm eftir af kantinum til að auðveldara sé að klemma saman í lokin.

 

Stráið mozzarella osti, saxaðri basiliku, niðurskornum kirsuberjatómötum og mozzarella perlum ofan á pizzasósuna og klemmið vel saman svo úr verði hálfmáni. Gott er síðan að ýta með sleifarskafti um 2 cm inn á allan kantinn bæði til að klemma deigið betur saman og gera fallegt mynstur.

 

Penslið hálfmánann með ólífuolíunni, berið smá pizzasósu á hluta af deiginu og stráið síðan mozzarella osti og mozzarella kúlum yfir.

 

Bakið við 225°C í 15-20 mínútur eða þar til deigið fer að gyllast og osturinn að brúnast.

Höfundur: Berglind Hreiðarsdóttir