- +

Spínatlasanja með grískri jógúrt og kotasælu

Innihald:
500 g spínat
400 g kotasæla
400 g grísk jógúrt frá Gott í matinn
Fínrifinn börkur af 1 sítrónu
Sjávarsalt og svartur pipar
Múskat, eftir smekk
8 dl tómatapassata
4 dl rjómi frá Gott í matinn
3 msk. fersk basilíka, fínsöxuð
1 stk. hvítlauksrif, marið
1 tsk. rauðar chillíflögur
lasanjaplötur, eins og þurfa þykir, ferskar eða þurrkaðar
smjörklípa
1 poki rifinn mozzarella frá Gott í matinn

Aðferð:

1. Stillið ofninn á 200°.

2. Kreistið eins mikið vatn og hægt er úr spínatinu. Blandið því saman við gríska jógúrt, kotasælu og sítrónubörk. Smakkið til með salti, pipar og múskati.

3. Hrærið saman í annarri skál tómatapassata, rjóma, basilíku, hvítlauki og chillíflögum.

4. Smyrjið eldfast mót með smjöri. Leggið lasagnaplötur yfir. Setjið helminginn af spínatblöndunni yfir. Leggið lasanjaplötur ofan á og endurtakið með afganginum af spínatblöndunni. Leggið lasanjaplötur ofan á og hellið síðan tómatarjómasósunni yfir. Sáldrið ostinum yfir og bakið í 40-45 mínútur. Ef notaðar eru ferskar lasagnaplötur þá er eldunartíminn styttri, um 30 mínútur. Best er að láta lasanja standa í 10 mínútur eftir að það kemur úr ofninum.

Höfundur: Erna Sverrisdóttir