- +

Hindberja parfait með grísku jógúrti og hnetukurli

Innihald
1 ds grísk jógúrt
1 tsk rifinn sítrónubörkur
2 msk flórsykur

Hindberjamauk
4 dl hindber, frosin eða fersk
2 dl flórsykur
2 tsk sítrónusafi

Hnetukurl
1½ dl möndluflögur
1½ dl pekanhnetur, gróft saxaðar
½ tsk hrásykur
1 msk hlynsíróp

Aðferð:

1. Stillið ofninn á 160°. Hrærið öllu sem á að fara í hnetukurlið saman. Dreifið því á bökunarplötu klædda bökunarpappír og bakið í 10 mínútur. Fylgist vel með svo hneturnar brenni ekki. Kælið.

2. Setjið allt sem á að fara í hindberjamaukið í pott og sjóðið saman í nokkrar mínútur. Kælið.

3. Hrærið saman grískri jógúrt, sítrónuberki og flórsykri.

4. Raðið grísku jógúrtblöndunni, hindberjamauki og hnetukurli til skiptis í glös og skreytið með hinberjum og ferskri myntu ef vill.

Höfundur: Erna Sverrisdóttir