- +

Egg benedict

Hollandaise-sósa:
3 stk eggjarauður
100 g bráðið smjör
¼ stk sítróna, safinn notaður
salt, pipar og cayenne pipar

Egg:
6 stk egg (miðað við tvö egg á mann)
1 msk borðedik

Meðlæti:
fjölkorna- eða fitty bollur, ein á mann
beikonskinka, eða önnur góð skinka sem ykkur finnst góð
dijon sinnep
1 stk avocado

Aðferð:

Þessi uppskrift dugar fyrir þrjá ef miðað er við tvö egg á mann.

 

Byrjið að gera sósuna, auðveld Hollandaise sósa sem getur bara ekki klikkað. Sósan dugar fyrir 4-6.

  1. Í hrærivélina fara 3 eggjarauður, sítrónan og krydd eftir smekk.
  2. Hrært saman þar til þær verða léttar og ljósar.
  3. Þá er bræddu smjörinu bætt við og á meðan hrært á hægustu stillingunni.

Næst eru það eggin og samsetning á réttinum:

  1. Í pott fer vatn upp að hálfum potti og 1 msk borðedik og látið sjóða.
  2. Egg er brotið í glas og látið ofan í pottinn, áður en eggið fer ofan í látið þið vatnið snúast í hringi með skeið. Eggin eru látin liggja í vatninu í 3 mínútur og þá tekin upp úr með spaða.
  3. Á meðan létt hitaði ég bollurnar með smá smjöri á pönnu og smurði með dijon sinnepi
  4. Í lokin fer steikt skinka og niðurskorið avocado á bollurnar, svo eggið og loks sósan á toppinn.

Ef þið viljið nánari lýsingu hvernig eggin eru látin í pottinn er hægt að fara inn á YouTube og þar eru mörg myndbönd undir leitarorðinu egg benedict.

Höfundur: Gígja S. Guðjónsdóttir