- +

Crépes með reyktum laxi og maísmús

Crépes
2 stk. egg
2½ dl matreiðslurjómi
1¼ dl hveiti
sjávarsalt og svartur pipar

Maísmús
50 g smjör
1 stk. skallottulaukur, saxaður
2 stk. hvítlauksrif, marin
700 g maískorn
3½ dl matreiðslurjómi
1¼ dl sýrður rjómi
sjávarsalt og svartur pipar

Meðlæti
250 g reyktur lax eða silungur
1 stk. sítróna, skorin í báta
1 stk. stór lárpera, eða tvær litlar, skornar í sneiðar
Gott í matinn sýrður rjómi 18%, eftir smekk
saxaður graslaukur, eftir smekk, má sleppa

Aðferð:

1. Pískið öllu saman sem á að fara í crépes. Látið standa við stofuhita í 30 mínútur. Steikið síðan á pönnukökupönnu.

2. Steikið skallottulaukinn og hvítlaukinn upp úr smjörinu.

3. Bætið maískorninu og matreiðslurjómanum saman við. Látið malla á vægum hita í 15 mínútur. Takið af hita og setjið sýrða rjómann saman við. Maukið með töfrasprota eða setjið í matvinnsluvél. Smakkið til með salti og pipar.

4. Berið crépes-pönnukökurnar fram með maísmúsinni, reyktum laxi og öllu meðlætinu. Eða setjið sjálf maísmúsina í hverja pönnuköku og toppið eða skreytið með meðlætinu.

Höfundur: Erna Sverrisdóttir