- +

Mexíkóskt kjúklingalasanja og guacamole

Kjúklingalasanja:
3 kjúklingabringur
2 msk. taco kryddblanda
1 laukur, saxaður
2 hvítlauksrif, smátt söxuð (2-3)
1 tsk. chiliduft
1 tsk. óreganó
1 tsk. kúmen
1 dós hakkaðir tómatar
3½ dl kjúklingasoð (vatn og kraftur)
2 msk. tómatpúrra
4 vorlaukar, smátt skornir (4-5 stk.)
Salt, pipar og olía
2 pokar rifinn mozzarella ostur
1 dós 10% sýrður rjómi
Ferskt kóríander og mulinn fetaostur til skreytingar

Aðferð:

Lasanja:

Kryddið kjúklingabringurnar með taco kryddinu og hitið pönnu með smá olíu við meðalhita. Steikið bringurnar í um 7 mínútur á hvorri hlið, eða þar til eldaðar í gegn. Takið þá af pönnunni og setjið á disk. Bætið örlítilli olíu á pönnuna ef þarf og steikið laukinn og hvítlaukinn þar til hann mýkist aðeins. Bætið kryddunum á pönnuna og steikið þau aðeins. Hellið tómötunum, soðinu og tómatpúrru á pönnuna og hleypið suðunni upp. Smakkið til með salti og pipar. Leyfið að sjóða við vægan hita í 5-10 mínútur. Maukið sósuna með töfrasprota eða í blandara (má sleppa þessu líka). 

Setjið smávegis af kjötsósunni í botninn á formi eða djúpri pönnu sem þolir að fara í ofn. Leggið tortillakökur ofan á, því næst meiri kjötsósu, smá sýrðan rjóma, rifinn ost og aftur tortillakökur. Ég notaði um 6 tortillakökur sem ég skipti í þrjú lög. Endið á kjötsósu, sýrðum rjóma og osti. 

Bakið í ofni við 180 gráður í 25 mínútur. Stráið fersku kóríander og muldum fetaosti yfir og berið fram t.d. með guacamole og nachosflögum. 

 
Guacamole:
 
Skerið lárperurnar í tvennt og fjarlægið steininn. Skerið í lárperurnar með hníf þannig að þið myndið frekar stóra teninga, skafið hana svo úr hýðinu með matskeið í stóra skál. Blandið öllu vel saman og smakkið til með salti og sítrónusafa. Við viljum hafa okkar guacamole frekar gróft, ef þið viljið ekki svona grófa áferð getið þið t.d. stappað það með gaffli.  

Höfundur: Helena Gunnarsdóttir