- +

Fylltir tortillabátar með Mexíkóosti

Innihald:
1 stk. Mexíkóostur rifinn
2 dl cheddarostur, rifinn
1 dl majónes
3 msk. ferskur kóríander, saxaður
1 dós niðursoðnar svartar baunir eða sama magn af maísbaunum
1 stk. skallottulaukur, fínsaxaður
½ tsk. cumin
½ tsk. kóríander
sjávarsalt
12 stk. litlir tortillabátar eða 8 stk. tortillakökur
sýrður rjómi og salsasósa

Aðferð:

Þessi uppskrift dugar í 12 stk. eða 24 upprúllaðir tortilla munnbitar.

1. Stillið ofninn á 180°.

2. Látið baunirnar í sigti, látið renna af þeim og skolið.

3. Blandið saman fyrstu átta hráefnunum. Smakkið til með salti. Skiptið maukinu niður á tortillabátana og sáldrið örlitum cheddarosti yfir. Bakið þar til osturinn er brúnaður og maukið er heitt í gegn. Ef þið notið tortillakökur þá skiptið þið maukinu niður á þær og rúllið upp. Skerið hverja köku í þrjá bita. Raðið þeim í eldfast mót, þannig að endarnir snúi upp. Sáldrið cheddarosti yfir og bakið. Berið fram með sýrðum rjóma og salsasósu.

Höfundur: Erna Sverrisdóttir