Meat & cheese pizza með beikoni, pepperóní og cheddar

Pizzadeig:

• Hrærið sykri, þurrgeri og volgu vatni saman í hrærivélarskálinni og leyfið að standa í um 8-10 mínútur þar til gerið fer að bólgna og leysast upp.
• Hellið þá olíunni, saltinu og hveitinu saman við og hnoðið með króknum í nokkrar mínútur.
• Setjið vel af matarolíu í botninn á ofnskúffu, alveg nálægt 50 ml.
• Fletjið deigið aðeins út á borðinu, lyftið því yfir á ofnskúffuna og þjappið og ýtið því með lófunum og fingrunum þar til það fyllir botninn á skúffunni.
• Setjið plast yfir og leyfið að hefast í um 30 mínútur.
• Þjappið þá miðjunni af botninum niður og ýtið aðeins upp á kantana, hitið ofninn í 220°C og setjið áleggið á á meðan ofninn hitnar.

Samsetning:

• Steikið beikonkurlið og geymið.
• Smyrjið vel af pizzasósu á botninn.
• Stráið um helmingnum af rifnu ostunum yfir botninn, rífið piparostinn þá niður ofan á þá og setjið skvettur af rjómaosti hér og þar.
• Stráið beikonkurli yfir ostana og raðið pepperoni yfir og stráið þá restinni af rifnu ostunum yfir og kryddið með pipar og óreganó.
• Bakið í um 20-22 mínútur eða þar til kantarnir fara að brúnast.

Höfundur: Berglind Hreiðarsdóttir