- +

Límónu ostakaka - KETO

Botn:
75 g smjör
200 g möndlumjöl
Smá klípa sjávarsalt
1 tsk. kanill
3 msk. sukrin gold sætuefni

Fylling:
500 g hreinn rjómaostur frá Gott í matinn
250 g mascarpone ostur
500 ml rjómi frá Gott í matinn
Börkur og safi úr einni límónu
1 tsk. vanilluduft eða vanilluextract
4 msk. sukrin melis sætuefni eða annað sætuefni

Aðferð, botn:

Bræðið smjörið í potti, hafið hitann á og bætið möndlumjölinu út í og hrærið vel saman. Ristið möndlumjölið aðeins í pottinum með smjörinu eða í 2-3 mínútur og hrærið vel í á meðan. Þetta gefur möndlumjölinu mjög gott bragð. Bætið salti, kanil og sætuefni saman við og takið af hitanum. Þjappið í lausbotna smelluform og aðeins upp á hliðarnar. Kælið í frysti eða ísskáp á meðan fyllingin er gerð.

Aðferð, fylling:

Pískið saman rjómaost og mascarpone þar til mjúkt og kekkjalaust. Hellið rjómanum saman við ásamt berkinum, límónusafanum og vanillu og þeytið áfram með handþeytara eða í hrærivél þar til mjúkir  toppar hafa myndast og blandan líkist þeyttum rjóma. Hellið fyllingunni í botninn og kælið í 2-3 klst. eða yfir nótt. Kakan frystist líka mjög vel og gott að taka hana úr frysti um það bil 1 klst. áður en hún er borin fram. Skreytið með þeyttum rjóma og þunnum límónusneiðum.

Höfundur: Helena Gunnarsdóttir