- +

Súkkulaðikaka með rjóma og súkkulaðigljáa

Súkkulaðikaka:
225 g smjör
470 ml vatn
230 ml olía
670 g sykur
120 g dökkt kakó
500 g hveiti
4 stk. egg
1 bolli súrmjólk
2 tsk. matarsódi
2 tsk. lyftiduft
1 msk. vanilludropar
½ tsk. salt

Rjómakrem:
1 l rjómi frá Gott í matinn
140 g flórsykur

Súkkulaðigljái:
140 g dökkt súkkulaði
120 ml rjómi frá Gott í matinn
2 msk. sírop
2 tsk. vanilludropar

Aðferð:

Undirbúningstími 20 mínútur, bökunartími 30-40 mínútur.

Súkkulaðikaka:
1. Bræddu smjörið í potti ásamt vatninu og olíunni á lágum hita.
2. Blandaðu sykri, hveiti og kakói saman í skál.
3. Hrærðu saman hveitiblönduna og brædda smjörið með vatninu og olíunni.
4. Bættu við eggjunum einu í einu og hrærðu vel á milli.
5. Bættu súrmjólkinni saman við, matarsódanum, lyftiduftinu, salti og vanilludropum og hrærðu þar til allt hefur blandast vel saman. Skafðu skálina vel í botninn og hrærðu örlítið lengur.
6. Settu deigið í þrjú meðalstór form og bakaðu í u.þ.b 30-40 mínútur.

Rjómakrem:
Þeyttu rjómann þangað til hann fer alveg að verða tilbúinn og bættu þá flórsykrinum saman við og hrærðu þangað til rjóminn er orðin alveg stífur.
Settu rjóma-kremið á milli botnanna og utan um kökuna, þeir sem vilja setja súkkulaði á milli botnanna þá er gott að setja súkkulaðiglassúr. Smurðu rjóma-kreminu vel yfir alla kökuna og kældu í u.þ.b. 1 klst. inni í ísskáp.

Súkkulaðigljái:
1. Hitaðu saman súkkulaðið, rjómann og síropið í potti á lágum hita.
2. Bættu saman við vanilludropunum og kældu gljáann í u.þ.b. 15 mínútur. eða þar til hann er orðin það þykkur að hann nái að stoppa á leiðinni niður hliðarnar á kökunni.
3. Hægt er að skreyta kökuna með jarðaberjum ef vill.

Höfundur: Thelma Þorbergsdóttir