- +

Súkkulaðibollakökur með hvítsúkkulaðikremi

Súkkulaðibollakökur:
3 bollar hveiti
2 bollar sykur
3 stk. egg
2 bollar AB-mjólk
1 bolli bragðlítil olía (ekki ólífuolía)
5 msk. gott kakó (5-6 msk.)
2 tsk. lyftiduft
1 tsk. matarsódi
2 tsk. vanillu exctract eða vanillusykur

Smjörkrem með hvítu súkkulaði:
250 g smjör, við stofuhita
400 g flórsykur (400-450 g)
150 g hvítt súkkulaði
1 tsk. vanillu extract eða sykur (1-2 tsk.)
1 msk. rjómi (1-2 msk.)
gulur matarlitur

Aðferð:

1 bolli samsvarar 2,5 dl

Hitið ofninn í 180°C (blástur). Blandið öllum hráefnum saman og hrærið í nokkrar mínútur eða þar til deigið er orðið silkimjúkt. Skiptið deiginu niður í bollakökuform. Bakið við 180°C í 20-25 mínútur. Kælið kökurnar mjög vel áður en þið skreytið þær með kreminu. 

Krem:

Þeytið saman smjör og flórsykur í 5-6 mínútur, stoppið tvisvar sinnum og skafið meðfram hliðum. 

Bræðið hvíta súkkulaðið yfir vatnsbaði og blandið því saman við kremið. Þeytið kremið í 3-4 mínútur. Næsta skref er að bæta við vanillu og rjóma. Að lokum er matarlitur settur saman við, en það má að sjálfsögðu vera annar litur en gulur. Sprautið kreminu á kökurnar og skreytið gjarnan með söxuðu súkkulaði. 

Höfundur: Eva Laufey Hermannsdóttir