- +

Súkkulaðibaka með perum

Botn:
2½ dl hveiti
1 tsk vanillusykur
100 g smjör
1 stk eggjarauða

Fylling:
100 g smjör
100 g súkkulaði, 60%
2 stk egg
1 dl sykur
1 msk koníak eða sama magn af ferskum appelsínusafa
sjávarsalt á hnífsoddi
3 stk stórar perur, skornar í frekar þunnar sneiðar
létt þeyttur rjómi, eftir smekk

Aðferð:

1. Hrærið saman hveiti, vanillusykri og smjöri. Bætið eggjarauðu saman við. Hnoðið saman með höndunum.

2. Fletjið deigið út og leggið í bökubotn eða lausbotna bökunarform sem er u.þ.b. 26 cm í þvermál. Látið bíða í ísskáp í 15 mínútur. Bakið síðan í 10 mínútur við 200°.

3. Hrærið eggjum og sykri saman í hrærivél þar til létt og ljóst.

4. Bræðið saman smjör og súkkulaði og hrærið saman við eggjablönduna. Bætið þá koníaki/appelsínusafa og salti saman við. Hrærið.

5. Raðið perunum ofan á bökubotninn og hellið síðan deiginu yfir. Bakið í 20-25 mínútur.

6. Látið kólna aðeins og berið fram með létt þeyttum rjóma.

Höfundur: Erna Sverrisdóttir