- +

Súkkulaðibitakökur

Innihald:
225 g smjör, mjúkt við stofuhita
50 g púðursykur
200 g sykur
2 tsk. vanillu extract
2 egg
250 g hveiti
1 tsk. matarsódi
½ tsk. sjávarsalt (og meira ofan á kökurnar ef vill)
400 g súkkulaðidropar, t.d. dökkt (300 g í deigið, 100 g fara ofan á kökurnar fyrir bakstur)

Aðferð:

Hitið ofn í 180 gráður með blæstri, annars 200 gráður án blásturs.

Þeytið saman smjör, sykur og vanillu þar til létt og ljóst. Bætið eggjunum út í einu í einu og þeytið vel á milli. Sigtið saman í skál, hveiti, matarsóda og salti og hrærið saman við. Gætið þess að hræra ekki of mikið. Bætið við 300 grömmum af súkkulaðidropum og hrærið öllu saman.

Setjið rúmlega eina matskeið af deiginu á pappírsklædda ofnplötu. Athugið að hafa gott bil á milli þar sem kökurnar renna vel út, um 9 kökur á hverja plötu. Stráið dálitlu af góðu sjávarsalti ofan á hverja köku og toppið svo með nokkrum súkkulaðidropum.

Bakið í um það bil 10-12 mínútur. ATH ef þið viljið mjög þunnar og seigar kökur er gott ráð að lyfta bökunarplötunni þegar bökunartíminn er um það bil hálfnaður og láta hana detta niður, þá falla kökurnar í miðjunni og verða enn þynnri.  Þetta má endurtaka aftur ef kökurnar lyfta sér aftur í miðjunni. Bakið þar til kökurnar hafa brúnast í kantinn og eru enn seigar í miðjunni. Kælið á grind. Gott er að strá svo enn fleiri súkkulaðidropum yfir kökurnar þegar þær eru nýkomnar úr ofninum. 

Höfundur: Helena Gunnarsdóttir