Snjóbolta súkkulaðikökur | gottimatinn.is
- +

Snjóbolta súkkulaðikökur

Innihald:
120 g smjör, við stofuhita
200 g púðursykur
2 stk. egg
1 tsk. vanilludropar
160 g hveiti
70 g kakó
1 tsk. lyftiduft
¼ tsk. sjávarsalt
100 g flórsykur

Aðferð:

Ótrúlega einfaldar og fljótlegar smákökur, já og góðar!
Einföld uppskrift gerir um 30 stk.

 

Hitið ofninn í 180 gráður og setjið smjörpappír á tvær bökunarplötur. Hrærið smjör og púðursykur saman þar til blandan verður ljós og létt. Bætið eggjum saman við ásamt vanilludropum og hrærið vel. Gott er að skafa innan úr skálinni með sleif og hræra. Blandið hveiti, kakói, lyftidufti og salti saman í skál og setjið saman við deigið smátt og smátt í einu. Hrærið þar til deigið hefur blandast vel saman. Myndið jafn stórar kúlur úr deiginu, setjið flórsykur í skál og veltið hverri köku vel upp úr flórsykrinum þannig að hún verður alveg hvít. Raðið með jöfnu millibili á bökunarplöturnar og bakið í 12 mínútur. Kælið kökurnar alveg áður en þið takið þær af bökunarplötunni. Geymið kökurnar í lokuðu boxi til að þær haldist góðar. 

Höfundur: Thelma Þorbergsdóttir