- +

Smákökukaka á pönnu með karamellufyllingu

Kökudeig
200 g mjúkt smjör
200 g sykur
100 g púðursykur
2 tsk vanilludropar
2 msk maple-sýróp
2 stk egg
400 g hveiti
1 tsk lyftiduft
½ tsk salt
100 g súkkulaðidropar
100 g g karamelur, Rolo eða annað karamellusælgæti, skorið í bita (100-150 g)

Aðferð:

 

Hitið ofn í 180 gráður. Finnið djúpa pönnu sem má fara í ofn, um 22 cm í þvermál, smyrjið hana að innan og klæðið með smjörpappír.

Hrærið saman smjör og sykur ásamt vanilludropum og sýrópi þar til létt og ljóst. Bætið eggjum saman við og látið deigið blandast vel. Þá fara þurrefnin út í og deigið er hrært vel áður en súkkulaðidropar fara saman við.

Þrýstið helmingnum af deiginu í pönnuna. Dreifið karamellubitum yfir, ekki spara þá. Setjið þá hinn helminginn af deiginu yfir allt saman og lokið kökunni.

Bakið í 15-25 mínútur. Takið úr ofninum og látið kökuna taka sig aðeins áður en hún er skorin og borin fram.

 

 

*Það má að sjálfsögðu notast við eldfast mót eða kökuform í stað pönnu, en það er fallegt að bera kökuna fram í henni.

 

*Heimalöguð karamella er góð í kökuna og þá er hún höfð frekar þykk og smurð ofan á deigið.

 

*Bökunartíminn hér er smekksatriði. Því styttri sem tíminn er því mýkri er kakan og minna bökuð í miðjunni.

 

Höfundur: Halla Bára og Gunnar