- +

Smáir marensbotnar með lemon curd

Marensbotnar:
4 stk eggjahvítur við stofuhita
3 dl sykur
1½ tsk edik

Krem:
4 dl rjómi
1½ dl grísk jógúrt
korn úr hálfri vanillustöng
lemon curd eftir smekk, heimatilbúið eða aðkeypt

Lemon curd:
3 stk egg
2 stk eggjarauður
2½ dl sykur
fínrifinn börkur af einni sítrónu
1¼ dl sítrónusafi
150 g smjör, kalt og skorið í litla bita

Aðferð:

Einföld uppskrift gerir 8 stk.

 

1. Stillið ofninn á 150°.

2. Stífþeytið eggjahvíturnar í hreinni hrærivélaskál. Gott er að strjúka innan úr henni með ediki eða sítrónusafa til að hreinsa alla fitu. Bætið sykrinum saman við. Eina matskeið í einu, smátt og smátt. Þegar allur sykurinn er kominn saman við hrærið þá áfram í u.þ.b. 8 mínútur. Setjið þá edikið saman við og hrærið áfram í 2 mínútur.

3. Leggið bökunarpappír á bökunarplötu og mótið átta marensbotna þar á. Setjið í ofninn og lækkið hitann um leið í 120°. Bakið í klukkutíma. Látið kökurnar síðan kólna í ofninum.

4. Setjið allt sem á að fara í lemon curdið nema smjörið í pott. Pískið saman og hitið á meðalhita þar til sykurinn er uppleystur. Minnkið aðeins hitann og setjið smjörbitana út í u.þ.b. 3 í einu og hrærið stöðugt í á meðan. Þetta tekur u.þ.b. 5 mínútur. Lemon curdið er tilbúð þegar það er orðið nokkuð þykkt. Sigtið og setjið í hreina krukku. Kælið í ísskáp í a.m.k.. klukkutíma.

5. Léttþeytið rjómann með vanillukornunum.  Bætið grískri jógúrt varlega saman við. Skiptið jafnt niður á marensbotnana. Toppið með smá lemon curd. Berið fram með restinni af lemon curd svo hver og einn geti bætt á sína köku, eftir smekk.

Höfundur: Erna Sverrisdóttir