- +

Skyrterta með oreo og ástaraldin

Innihald
1 pk. oreo-kexkökur (176 g)
50 g smjör, brætt
500 g vanilluskyr
3 dl rjómi
börkur af 1 límónu eða 1 tsk sítróna
1 stk matarlímsblað
4 msk vatn
2 msk sykur
3 stk ástaraldin

Aðferð:

1. Maukið oreo-kexið í matvinnsluvél og blandið smjöri saman við. Þrýstið niður í form með gaffli. Kælið í a.m.k. 20 mínútur.

2. Þeytið rjóma. Passið að stífþeyta ekki. Blandið skyrinu og límónuberkinum saman við. Hrærið. Dreifið jafnt yfir botninn. Kælið í 20 mínútur eða setjið í frysti í 10 mínútur.

3. Leggið matarlímið í bleyti í kalt vatn í 5 mínútur.

4. Setjið 4 msk af vatni og sykur í pott og hitið saman að suðu. Kreistið vökvann af matarlíminu og setjið það út í sykurblönduna. Hrærið. Bætið kjöti ástaraldinanna saman við. Kælið aðeins. Hellið yfir tertuna og kælið í ísskáp í a.m.k. klukkutíma.

Höfundur: Erna Sverrisdóttir