- +

Sítrónukaka með doppóttu kremi

Botn
200 g mjúkt smjör
200 g sykur
börkur af einni sítrónu
4 stk egg
1 tsk vanilludropar
300 g hveiti
2 tsk lyftiduft
¼ tsk salt
4 msk ferskur sítrónusafi

Krem
80 g mjúkt smjör
450 g flórsykur, gæti þurft örlítið meira
2 msk ferskur sítrónusafi
1 tsk vanilludropar
1 msk rjómi
1 msk birkifræ

Aðferð:

 

Hitið ofn í 180 gráður. Hrærið saman smjör, sykur og sítrónubörk þar til létt og ljóst. Brjótið eggin út í og hrærið saman. Bætið þá við þurrefnum og sítrónusafa. Hrærið þar til deigið er mjúkt og kekkjalaust en alls ekki of lengi.

Setjið í 22 cm form (fallegt að hafa það ekki stærra svo kakan nái smá hæð). Bakið í 25-35 mínútur, stingið kökuprjóni í miðju hennar og athugið hvort hann komi hreinn út. Alls ekki baka kökuna of lengi, fylgist vel með henni svo hún haldi mýkt og raka.

Hrærið saman smjör og flórsykur í kremið. Það gæti þurft meiri flórsykur svo bætið örlitlu við í einu. Hellið sítrónusafa og vanilludropum saman við og hrærið og notið rjómann til að mýkja smjörkremið. Fræin fara saman við að síðustu. Smyrjið kremið á kalda kökuna og berið fram.

 

Höfundur: Halla Bára og Gunnar