- +

Rice crispies marens með kókosbollum og súkkulaði

Marengs:
6 stk. eggjahvítur
330 g sykur
1 tsk. lyftiduft
70 g rice crispies

Súkkulaðikrem:
4 stk. eggjarauður
80 g flórsykur
140 g suðusúkkulaði
60 g smjör

Rjómafylling:
4 stk. kókosbollur
½ líter rjómi

Undirbúningstími 20 mínútur, bökunartími 50-60 mínútur.

Aðferð:
1. Stilltu ofninn í 150 gráður og hafðu til tvær bökunarplötur með smjörpappír á.
2. Hrærðu eggjahvíturnar saman, bættu svo sykrinum smá og smá saman við og bættu svo lyftidufti saman við. Hrærðu vel saman þangað til blandan verður hvít og stíf.
3. Myndaðu tvo jafnstóra hringi á bökunarplöturnar og bakaðu í um 50-60 mínútur eða þar til botnarnir hafa náð að þorna vel.

Súkkulaðikrem aðferð:
1. Hrærðu eggjarauðurnar og flórsykurinn saman á miklum hraða þangað til blandan verður ljós og létt.
2. Bræddu smjörið og suðusúkkulaðið saman í potti og bættu svo varlega saman við blönduna. Geymdu örlítið súkkulaði til þess að skreyta kökuna.
3. Heltu kreminu yfir annan botninn.

Rjómafylling aðferð:
Þeyttu rjómann þangað til hann er orðinn stífur og fínn. Bættu kókosbollunum saman við rétt áður en rjóminn er tilbúinn. Smurðu rjómanum á botninn og settu hinn ofan á. Skreyttu með afgangs suðusúkkulaði.

Höfundur: Thelma Þorbergsdóttir