Hnetu súkkulaðikökur með salthnetum
Einfalt
- +

Hnetu súkkulaðikökur með salthnetum

Innihald
120 g smjör
75 g Síríus heslihnetusmjör
100 g ljós púðursykur
50 g sykur
1 stk egg
2 tsk vanilludropar
220 gr kornax hveiti
1 tsk matarsódi
½ tsk maldon salt
100 g hvítir súkkulaðidropar frá Nóa Siríus
100 g dökkt súkkulaði frá Nóa siríus, grófsaxað

Toppur
100 g dökkt súkkulaði frá Nóa Siríus
50 g salthnetur, grófsaxaðar

Aðferð:

Hitið ofninn í 180°c og setjið smjörpappír á bökunarplötu. Setjið smjör, Siríus heslihnetusmjör, púðursykur, sykur, egg og vanilludropa saman í skál og hrærið þar til allt hefur náð að blandast vel saman, í rúmar 5 mínútur. Skafið hliðarnar á skálinni. Blandið saman hveiti, matarsóda og salti saman í skál og blandið saman við deigið. Grófsaxið dökka súkkulaðið og blandið því sama við ásamt hvítu súkkulaðidropunum og hrærið þar til allt hefur náð að blandast vel saman. Setjið u.þ.b. 1 msk af deigi í hverja köku og myndið kúlu úr því, raðið þeim með jöfnu millibili á bökunarplötuna. Setjið plastfilmu yfir kökurnar og setjið þær inn í ísskáp og kælið í 1 klst. Bakið kökurnar í 8-10 mínútur. Kökurnar eru linar þegar þær eru teknar út úr ofninum en jafna sig þegar þær kólna. Kælið kökurnar aðeins áður en þið setjið toppinn ofan á.

 

Toppur

Bræðið dökka súkkulaðið yfir vatnsbaði og hrærið þar til súkkulaðið hefur náð að bráðna alveg. Slettið súkkulaðinu óreglulega yfir hverja köku. Grófsaxið salthneturnar og setjið ofan á hverja köku fyrir sig.

Höfundur: Thelma Þorbergsdóttir